“Боришот бориданд”

Чанде пеш як намояндаи Маркази ҳавошиносии Тоҷикистон дар сӯҳбати телевизионӣ роҷеъ ба селу обхезӣ дар кишвар мехост, бигӯяд, “борон зиёд борид” ё “бориш зиёд шуд”, вале ғалатеро, ки шояд аз касе омӯхта буд, батакрор ба забон овард: “боришот зиёд бориданд”, “боришот бориданд”.

Як наврузии дигар аз устод Шакурӣ

Намедонам, шаҳрдории Душанбе ба устод Муҳаммадҷон Шакурӣ кӯмак карда бошад, ки манзили худро иваз карда, аз заҳу рутубат ва сардии тоқатфарсои табақаи аввал наҷот ёбад, аммо имрӯз устодро дар хонаи наве дидам, дар манзили интернетӣ, ки дараш ба тамоми ҷаҳон боз ва тамоми ҷаҳон аз они ӯ. Торнамои наве, ки осори донишманди бузурги тоҷикро ба аҳли ҷаҳон тақдим мекунад. Муборак бодо, устоди азиз.