Салими Аюбзод

Нигариш ва кандуков

“Бародарам Хусрав”

Чанд соли охир одат дорам, агар имкон буд, ҳар ҳафта як филми хуб бинам. Дар ин муддат зиёда аз 200 филм дидам, ҳам нав ва ҳам қадимӣ, ҳам шоҳкор ва ҳам миёна ё суст. Ҷолиб аст, ки аксари онҳо филмҳои эрониянд. Ба пиндори ман, имрӯз синемои Эрон ягона синемои ҷаҳон аст, ки беш аз дигарон шоҳкор рӯйи парда меорад ва муҳимтар аз ин беҳтар аз дигарон ба ниёзҳои инсони садаи 21 посух медиҳад. Бо бовари тамом мегӯям, чун аз дастовардҳои синемои Жопун, Чин, Уқёнусия, Ҳинд, Русия, Аврупо, Амрикои Лотин, Африқо низ то андозае огоҳам. Телевизион тамошо намекунам, танҳо филм. Гоҳе аз интернет ва гоҳе аз дӯстон ба орият мегирам.

Continue reading

Advertisements

17.06.2018 Posted by | Инсон, Синемо, Эрон | , | Leave a comment

Латифӣ ва бозиҳои паси парда

Вақте ки Отахон Латифӣ аз мақоми ноиби сарвазир истеъфо дод, гуфт, аммо аз сарварии Иттиҳоди журналистони Тоҷикистон канор нахоҳад рафт, балки акнун бо талоши бештар ба тақвияти ин созмон ва рушди матбуоти кишвар машғул хоҳад гашт. Ӯ аз вазифаи баланди давлатӣ ба осонӣ даст кашид, аммо касби якумрии худ ва ҳампешагону ҷавонони рӯноманигор ва озодии матбуотро он гуна дӯст медошт, ки ҳаёти хешро бидуни онҳо тасаввур карда наметавонист.

Continue reading

18.03.2018 Posted by | Ватан, Инсон, Латифӣ, Матбуот, Сиёсат, Таҷриба, Ҷомеа | Leave a comment

Корномаи устод Мазҳабшо

Марди гандумгуни як андоза ҳиндусимои хандон, ки сигори талхи, ба гуфтаи худаш, “термоядерӣ” мекашид, метавонист, аз як ибораи нишонрас ба гунае шод шавад, ки ҳамаи бинои Иттифоқи нависандагонро ба сар бардорад ё аз як ҷумлаи носолим мисли бемори ноумед дард кашад ва дилмонда шавад; аз ҳуруфи номуносиби сарлавҳа ё акси хираи сафҳаи корректурии рӯзнома беандоза асабонӣ гардад ва айнаки худро ба сари дастгоҳи нашр бизанаду бишканад ё макети беҳтарин сафҳаро ба девори коргоҳи худ овезад; меҳрубонтарин ҷентлмени бонувон бошад ва аммо чун гилашро бо ишқи сухан сириштаанд, дилдодаи ҳикмату навиду мақолаи олӣ ва фидокори рӯзнома ба ҳадде ки шояд ҳеҷ шабе бе ёди газета нахуфта бошад; марди коре, ки заҳмати шоқа кашад ва бо кулли шодмонияш аз комёбии худ ситоиши беҳадро напазирад, аз гуфтани ҳақиқат наҳаросад ва ба ҳақгӯён арҷ бигузорад — ин аст устод Мазҳабшои Муҳаббатшо!

Continue reading

14.02.2018 Posted by | Инсон, Матбуот, Озодии сухан, Сарнавишт, Ҳолнома, Ҷомеа | 1 Comment

Афсонаҳои модаркалонам

Модаркалонам ба мо сураҳои “Қуръон” меомӯзонданд. Порча ба порча. Он кас мегуфтанд ва ману хоҳарам такрор мекардем. Ҷойе, агар хато мегуфтем, ислоҳ мекарданд. Шеъру достонҳои дар мактаб азёдкардаам кайҳо аз хотирам рафтаанд, вале сураҳои омӯзондаи бибиям гӯё нақш бар санганд. На танҳо ин, балки бибиям ба мо покизагии ботину зоҳирро ёд медоданд. Вале мо бештар афсонаҳои он касро дӯст медоштем. “Козурбача (Ман булбулаки саргашта)”, “Во дареғ”, “Моҳпешонӣ”, “Чӯбаки сандалвор”, “Сабзпарӣ”, худоё ба чӣ дунёҳое мебурданд он кас моро!

Continue reading

06.01.2018 Posted by | Инсон, Каме латра, Рӯзгор, Таҷриба, Фарҳанг | Leave a comment

Бозкашфи Олег Фезов

Ман ӯро ҳамчун сароянда ва оҳангсози боистеъдод мешинохтам. Оҳанг ва таронаҳояш хеле нозуку нафисанд ва ба торҳои ҷони сомеъ ангушт мезананд. Ин ҳафта ӯро аз нав кашф кардам, ки Олег Фезов бар замми ҳамаи ҳунарҳои баландаш як андешапарвари хирадманд ва нодире низ аст.

Continue reading

23.07.2017 Posted by | Баҳс, Инсон, Озодии сухан, Тоҷикистон, Худшиносй | | Leave a comment

Салом, (ф)Файзи Бадахшон!

Дӯстам, Файзи Мирасан, медонӣ, дар ёди ман чӣ гуна мондаӣ? Ҷавони хушандоми оҳучашм ва гитор дар дасту дар лаб таронаи дилгудоз дар мактабхонае дар канораи Уёлӣ, ки табдил ба хобгоҳи донишҷӯёни пахтачин шудааст. Дигар марди бовиқор ва хирадманде дар минбари Шӯрои Олии Тоҷикистон ҳангоми расондани паёми мардуми Бадахшон ба вакилон. Яке аз нахустин дидор ва дигаре аз охирин. Дар фосилаи ин ду ҳазорон порча хотираи дилнишин. Аммо ҷойи он ду дигар!

Continue reading

20.05.2017 Posted by | Баҳс, Ватан, Инсон, Сарнавишт, Тоҷикистон | Leave a comment

Увидеть во сне Мухаммада Осими

1 Muhamad OsimiПромелькнуло тут, что мы пропустили день рождения великого ученого Мухаммада Осими. Пролетела строчка как пуля. Но мимо. Не зацепило. Пошел спать. Оказывается попала пуля мне в спящую совесть мою. Увернулся, заснул и мне приснился сон. Иду по улице Рудаки, не нынешней, а старой, кто знает, коротенькой, зеленой, у пединститута, а навстречу мне сам устод Мухаммад Осими… Continue reading

03.09.2016 Posted by | Инсон, Сарнавишт, Тоҷик, Тоҷикистон, Худшиносй | 4 Comments

Бобониёзи озода

hamkurson1Дардхабари даргузашти Бобониёз маро такон дод. Хабаре боварнакарданӣ. Марги касе аз аҳли хонадон, аз аҳли дил. Рафтани нобаҳангоме мисли гирифтани офтоб, заминларза, сел, таркиш. Чаро чунин зуд? Чаро бе огаҳӣ? Чаро бе интизории дидор? Чаро? Чаро?

Continue reading

18.06.2016 Posted by | Инсон, Сарнавишт, Фарҳанг, Худшиносй, Ҳолнома | | 2 Comments

Гелоси Муҳаммадшарифи III

PragueГелоси ҷопоние дидам дар ин кӯчаи Прог, ки ба ду ранг шукуфтааст. Дидаму амаки Муҳаммадшарифам ба ёдам омад, ки айёми кӯдакии ман садбаргро ба гелоси боғамон найчапайванд карда буд. Одамон аз деҳу кӯйи атроф ба дидани гелосе меомаданд, ки дар як шохи баландаш садбарг шукуфта буд.

Continue reading

07.05.2016 Posted by | Инсон, Рӯзгор, Сарнавишт, Таҷриба, Ҳолнома, Ҷомеа | Leave a comment

Праздник без радости

bbНикак не могу позабыть эту калитку, иссохшая курчавящаяся годами синяя краска, которой только местами светилась своей небесной голубизной, а за отваливающимся корочками как свежие раны были видны кусочки ореховой доски.

Continue reading

06.05.2016 Posted by | Инсон, Муҳоҷират, Сарнавишт, Таърих | | Leave a comment

Хонаи мо куҷост?

Evening 01Китоби писари ман Исфандиёр ё Диёр, ки аз сарнавишти як навраси тоҷик ҳикоят мекунад, ба нашр расид. Рӯзҳои ноороми Тоҷикистон аз нигоҳи як кӯдаки 8-сола, ҳаёти як навраси тоҷик дар миёни мардумони бегона, талошҳои худҷӯӣ ва худшиносӣ ва рӯ овардан ба даргоҳи Худо баъзе аз бобҳои ин китоби 255-саҳифагиянд. Ӯ ҳунарпешаи синамо ва театр аст, аммо ба англисӣ аз дардҳои насли ҷангзада шеър менависад ва ин аввалин китоби насрии ӯст саршор аз хотираҳои Душанбе. Роҳи сафед, нури чашмонам! Дардҳои моро ба ҷаҳониён расон.

Continue reading

11.10.2015 Posted by | Ватан, Инсон, Тоҷик, Тоҷикистон, Худшиносй | , | 10 Comments

Ато Муҳаммадҷонов, симое дурахшон ва худфидо

Ато МуҳаммадҷоновАто Муҳаммадҷонов дар ҳунари нақшофарӣ чеҳраест ҳамсанги Клинт Иствуд, Шоҳрух Хон, Ал Пачино, Шон Коннерӣ, Умар Шариф, Ҷек Николсон ва дигар ситораҳои синемои ҷаҳон. Аз қазо, вай ҳамсоли Ал Пачиност. Ҳарду дар соли 1940 ба дунё омадаанд, вале агар дувумӣ муҳите дошт, ки ба тамоми тавонмандиҳои ӯ роҳи фарох боз намуд, истеъдоди дурахшону худододи аввалӣ дар фазои тангу гирифтае ношукуфта хор гашт.

Continue reading

30.08.2015 Posted by | Инсон, Синемо, Театр, Ҳунар | | Leave a comment