Посух ба Шодии азиз ва ёрони дигар

Шодии фарзона менависад: “Як мақолаи  васеи таҳлилӣ лозим аст, то бидонем, ки чаро Мирзо Зиёев (рӯҳаш шод бод) тайи ин муддат аз хоки Тавилдара берун нашуд. Ӯ чӣ ҳадаф дошт? Чаро бо ин ҳама ақлу заковате, ки дошт фалокати ногузирро нигарон истод?” Бешак, пурсишҳои муҳиманд. Вале ба назарам вай посухҳоро бо худ бурд…

Фарҷоми Мирзо Зиёев

Ҷузъиёти марги Мирзо Зиёев, собиқ вазири умури изтирории Тоҷикистон ва собиқ фармондеҳи кулли нерӯҳои Иттиҳоди мухолифони тоҷик, шояд рӯзе, аммо на ба ин зудиҳо ошкор шавад. Алъон гумони ғолиб ин аст, ки вай эҳтимолан қурбони дудилагиҳо, сулҳдӯстӣ ва ҳамзамон дипломатиябозии хеш шуд.