Укроин ва “дарди кампир”
Шояд мо, журналистон, ба даҳони сиёсатмадорон ин ҳарфро мегузорем, ки рӯйдодҳои имрӯзаи Украина шабеҳи ҳаводиси солҳои 1990-и Тоҷикистонанд. Гирдиҳамоии мухолифон сабаби тақсим шудани ҷомеа гашт, хусумат ба хушунат кашонд, раҳбари давлат ронда шуд, ду вилоят зидди марказ бархост ва яке ҳам шиори ҷудоихоҳиро баланд кард ва ғайра… Аммо бо таъкид бар шабоҳатҳои ду раванд ҳар кас, “дарди кампир — ғӯза”, манзури хоси худро дорад.
Дар оинаи Укрoина
Кадоме зиёдтар хотираҳои хуфтаи ҷанги Тоҷикистонро бедор мекунад — хабарҳои изтиробангези Украина ё тундгӯиҳои байниҳамии тоҷикон дар ин бора? Баъзе аз бархӯрдҳои байни ҳамдиёронам ба “рӯканию мӯйканию гулӯдаронӣ” монанд буда, ташнагии ҳарду тарафи баҳсро падид меорад.